«Аль-Наср» капитаны Криштиану Роналду Globe Soccer Awards 2025 марапатында «Таяу Шығыстың үздік ойыншысы» атанғаннан кейін әсерімен және алдағы мақсаттарымен бөлісті.
Португалиялық жұлдыз бұл кештің өзі үшін ерекше мәні бар екенін атап өтті:
«Бұл — менің сүйікті шараларымның бірі. Өйткені мұнда жұбайымды, балаларымды, ата-анамды және командадағы серіктерімді көремін», — деді Роналду.
Форвард жасы мен жиналған трофейлеріне қарамастан, әлі де үлкен амбициямен ойнап жүргенін айтты:
«Ин ша Аллах, титулдар ұтып, голдарымды 1000-ға жеткізгім келеді. Азияда ойнасам да, Еуропада ойнасам да — ең бастысы, жеңістер болуы», — деп атап өтті ол.
Сондай-ақ Роналду жарақаттар кедергі келтірмесе, мақсатына міндетті түрде жететініне сенетінін жасырмады:
«Футболға деген құштарлығым әлі де жоғары. Ин ша Аллах, алаңда болып, мақсаттарым үшін күресуді жалғастыру — мен үшін ең маңыздысы», — деді «Аль-Наср» капитаны.